28—30-njy noýabrda aralygynda Özbegistanyň Daşkent şäherinde Merkezi Aziýada tebigaty serhetaşa goramak boýunça sebit dialogy geçirilýär. Çärä Türkmenistandan hem wekiller gatnaşýar diýip, «UzDaily.uz» habar berýär. Şeýle hem çärä Gazagystanyň, Gyrgyzystanyň, Täjigistanyň we Özbegistanyň hökümetleriniň, şeýle hem köp sanly milli we halkara guramalaryň wekilleri gatnaşýarlar. Habarda bellenilişi ýaly, bu dialog sebitde biodürlüligi gorap saklamak hem-de tebigy baýlyklary rejeli peýdalanmak babatdaky hyzmatdaşlygyň barha batly depgine eýe bolýandygyna şaýatlyk edýär. Sebit dialogynyň barşynda serhetler arkaly bölünýän ekoulgamlaryň köplenç dürli syýasatlara we dolandyryş gurluşlaryna tabyn bolýandygy bellenildi. Şunuň bilen baglylykda, serhetaşa gorap saklamagyň gatnaşyjy ýurtlardaky degişli taraplaryň arasyndaky hyzmatdaşlygy ösdürmek arkaly bu tapawutlary ýeňip geçmegiň usulydygy nygtaldy. Şeýle hem serhetaşa gorap saklamagyň ýabany tebigatyň gülläp ösmegi we ekoulgamyň möçberiniň artmagy ýaly syýasy hyzmatdaşlyga, serhetdeş ýurtlaryň arasynda dostlukly gatnaşyklary ösdürmäge, ykdysady hyzmatdaşlyga we sosial ösüşe çenli peýdalary bellenildi. Serhetaşa gorap saklamak gorap saklamak maksady bilen dolandyrylýan meýdany köpeltmek, bölünişikleri azaltmak we landşaft baglanyşygyny gowulandyrmak bilen göçüp barýan görnüşleriň uzak ýaşamagyna kömek edýär. Ýabany jeren, saýgak we beýleki ýabany haýwanlaryň sürüleriniň hereketini üpjün edýän iň möhüm migrasiýa geçelgeleriniň ýerleşýän ýeri bolan Merkezi Aziýa üçin bu möhüm ähmiýete eýe diýlip, habarda aýdylýar.