5-6-njy dekabrda Germaniýa Federatiw Respublikasynyň Berlin şäherinde Magtymguly Pyragynyň nemes dilindäki goşgular ýygyndysynyň tanyşdyrylyş dabarasy bolar. Bu barada Türkmenistanyň Medeniýet ministrliginiň resmi saýtynda habar berildi. Habarda bellenilişi ýaly, Magtymguly Pyragynyň nemes dilindäki goşgular ýygyndysynyň tanyşdyrylyş dabarasy bilen birlikde, Berlinde «Magtymgulynyň şygryýetiniň Ýewropaly alymlar tarapyndan öwrenilişi» atly halkara ylmy maslahat, şeýle-de onuň dowamynda medeni çäreler hem geçiriler. Germaniýa Federatiw Respublikasynyň Berlin şäherinde geçiriljek dabaralara ýurduň döredijilik wekiliýeti hem gatnaşarlar. Dabaralara gatnaşmak üçin döredijilik wekiliýeti 3 — 7-nji dekabr aralygynda Germaniýa Federatiw Respublikasynda iş saparynda bolar.