Kuraş boýunça 2019-njy ýylda Koreýa Respublikasynda geçirilen dünýä çempionatynyň altyn medalynyň eýesi Aýnur Amanowa Aşgabatdaky çempionatda hem üstünlikli çykyş edýär. 52 kilograma çenli agram derejesinde çykyş edýän türkmenistanly ýeke-täk dünýä çempiony ýarymfinal tutluşygynda müsürli Nada Aşraf Salah Hassabelnany ýeňip, adyny finala ýazdyrmagy başardy. Şeýlelikde, Aýnurda 2019-njy ýyldaky netijesini gaýtalamaga mümkinçilik döredi. Mundan ozal 48 kilograma çenli agram derejesinde türkmenistanly Aýşirin Haýdarowanyň finala çykmagy başarandygyny habar beripdik.