Türkmenistanyň Gazagystandaky ilçisi Batyr Rejepow L.N.Gumilýew adyndaky Ýewraziýa milli uniwersitetinde okaýan türkmen talyplaryna umumy sapak berdi. Bu barada ilçihananyň resmi saýtynda habar berildi. Umumy sapaga uniwersitetiň mugallymlary we ilçihananyň işgärleri hem gatnaşdy. Diplomat öz çykyşynda häzirki döwüriň möhüm meseleleri barada gürrüň berdi. Ol Türkmenistanyň Prezidenti Serdar Berdimuhamedowyň we türkmen halkynyň Milli Lideri Türkmenistanyň Halk Maslahatynyň Başlygy Gurbanguly Berdimuhamedowyň 2023-nji ýylyň 24-nji sentýabrynda geçirilen Halk Maslahatda eden çykyşlarynyň taryhy ähmiýetine aýratyn üns çekdi. Şonuň ýaly-da, ýaşlar syýasatynyň çäklerindäki çäreler, ýaş nesil üçin uzak möhletli wezipeler, şeýle hem Türkmenistanyň 2024-nji ýylda görnükli türkmen şahyry we akyldary Magtymguly Pyragynyň 300 ýyllygyny bellemek boýunça meýilnamalary barada maglumat berildi. Sözüniň ahyrynda ilçi talyplaryň okuwda we sportda gazanan üstünlikleri bilen gyzyklandy. Şeýle hem sapagyň dowamynda sowal-jogap alşyldy.