Türkmenistanyň maliýe we ykdysadyýet ministriniň orunbasary Begmyrat Allakbaýew BMG-niň Merkezi Aziýanyň ykdysadyýeti üçin Ýörite maksatnamasynyň (SPEKA) dolandyryjylar geňeşiniň Azerbaýjanyň Baku şäherinde geçirilen 18-nji mejlisine gatnaşdy. Bu barada «Trend» habar berdi. Mejlisde türkmen wekiliýetine ýolbaşçylyk eden B.Allakbaýew Türkmenistanyň degişli formatdaky hyzmatdaşlygy ösdürmekde ileri tutýan garaýyşlaryny beýan etdi. Hususan-da, türkmen tarapy Türkmenistanyň tebigy gazyň we elektrik energiýasynyň eksportyny artdyrmaga, bu ugurda hyzmatdaşlyk etmekde önüm öndürijiniň, üstaşy rgeçirijiniň we kabul edijiniň deň bähbitlerini göz öňünde tutmaga taýýardygyny mälim etdi. Mundan başga-da, türkmen wekiliýetiniň ýolbaşçysy SPEKA gatnaşyjy ýurtlary Türkmenbaşynyň halkara deňiz potunyň mümkinçiliklerinden peýdalanmak arkaly, Hazarüsti ulag geçelgelerini ösdürmäge çagyrdy. Ýeri gelende bellesek, BMG-niň Merkezi Aziýanyň ykdysadyýeti üçin Ýörite maksatnamasynyň (SPEKA) 1998-nji ýylda esaslandyrylyp, onuň düzümine Türkmenistan, Azerbaýjan, Owganystan, Gazagystan, Gyrgyzystan, Täjigistan we Özbegistan girýär.