Zimbabwede uzaga çeken guraklyk sebäpli, ýurduň iri tebigy seýilgähleriniň birinde ýabany haýwanlaryň sany azalýar. Diňe bir hepdäniň dowamynda ol ýerde 15 pil we 16 sany gäwmiş heläk boldy diýip, «Habar 24» ýazýar. Ekologlar guraklygyň barha uzak dowam edýändigini, ýagyş möwsümleriniň bolsa öňküsi ýaly oktýabrda däl-de, dekabrda başlanýandygyny belleýärler. Iýmit we suw gözleginde ýabany haýwanlar ilatly ýerlere köp gelýärler diýip, olar aýdýarlar.