2024-nji ýyldaky Ýewropa çempionatynyň final tapgyrynyň bijesi üçin sebetleriň düzümi kesgitlenildi. Birinjisi — Germaniýa, Portugaliýa, Fransiýa, Belgiýa, Ispaniýa, Angliýa. Ikinjisi — Wengriýa, Türkiýe, Daniýa, Albaniýa, Rumyniýa, Awstriýa. Üçünjisi — Gollandiýa, Şotlandiýa, Horwatiýa, Sloweniýa, Slowakiýa, Çehiýa. Dördünjisi - Italiýa, Serbiýa, Şweýsariýa, pleý-off A, pleý-off B, pleý-off C. 2024-nji ýyldaky Ýewropa çempionatynyň toparlaýyn tapgyrynyň bije çekişligi 2-nji dekabrda geçiriler. Ýewro-2024-iň final tapgyrynyň Germaniýada geçiriljekdigini ýatladýarys. Ýaryşyň oýunlaryny 10 şäherdäki 10 stadion kabul eder. Ýewropa çempionatynyň häzirki ýeňijisi Londonyň “Uembli” stadionynda Ýewro-2020-niň finalynda Angliýanyň milli ýygyndysyny ýeňen Italiýanyň ýygyndy toparydyr. Şol jemleýji oýnuň ykbaly jerime urgusynda çözülipdi.