20-nji noýabrda Berlindäki Humboldt Carré kongres merkezinde türkmen-german işewürlik forumy geçiriler. Forum German ykdysadyýetiniň Gündogar komiteti tarapyndan guralýar diýip, Söwda-senagat edarasynyň metbugat gullugy habar berýär. Bu çärä Türkmenistanyň Söwda-senagat edarasynyň we beýleki döwlet edaralarynyň wekilleri, şeýle hem ýurduň telekeçileri gatnaşar. Forumda söwda we ykdysady hyzmatdaşlygyň häzirki meseleleri ara alnyp maslahatlaşylar we ikitaraplaýyn gatnaşyklary ösdürmegiň netijeleri jemlener. Türkmen ykdysadyýeti jogapkärli we ygtybarly hyzmatdaşlyga elmydama açykdyr. Şunuň bilen baglylykda, Berlinde geçiriljek türkmen-german işewürlik forumy uzak möhletleýin söwda-ykdysady gatnaşyklary giňeltmekde möhüm ädim bolar diýip, çeşme belleýär.