Ozal habar berşimiz ýaly, şu ýylyň 18 — 20-nji noýabrynda Türkmenistanda Türkiýe Respublikasynyň Medeniýet günleri geçiriler. Türkmenistanyň Medeniýet ministrliginiň resmi saýty Türkiýe Respublikasynyň Medeniýet günleriniň meýilnamasyny paýlaşdy: 18-nji noýabr: 11:00 — 12:00 – Türkiýe Respublikasynyň Türkmenistandaky Medeniýet günleriniň we ebru sungatynyň eserleriniň sergisiniň açylyş dabarasy hem-de Türkiýäniň milli tagamlarynyň hödür edilmegi. Geçirilýän ýeri: Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýi. 19:00 — 21:00 – Türkiýe Respublikasynyň hem-de Türkmenistanyň medeniýet we sungat ussatlarynyň bilelikdäki konserti. Geçirilýän ýeri: Türkmenistanyň Döwlet medeniýet merkeziniň Mukamlar köşgi.