Hytaý Halk Respublikasynyň Başlygy Si Szinpin 14-17-nji noýabr aralygynda Amerikanyň Birleşen Ştatlaryna barar we bu ýurduň döwlet Baştutany Jo Baýden bilen duşuşar, şeýle hem Aziýa-Ýuwaş umman ykdysady hyzmatdaşlyk forumynyň sammitine gatnaşar. Bu barada HHR-iň Daşary işler ministrligi habar berdi diýip, TASS ýazýar. «ABŞ-nyň Prezidenti Jo Baýdeniň çakylygy boýunça HHR-iň Başlygy Si Szinpin 14-17-nji noýabrda San-Fransisko barar we Amerikanyň Birleşen Ştatlarynyň Prezidenti bilen duşuşar. Ol şeýle-de Aziýa-Ýuwaş umman ykdysady forumynyň ýurtlarynyň liderleriniň resmi däl duşuşygyna gatnaşar» diýlip, Hytaýyň daşary syýasy edarasynyň saýtynda ýerleşdirilen habarda aýdylýar.