Serbiýaly tennisçi Nowak Jokowiç Parižde geçirilen «Masters» tapgyry ýaryşynyň soňky oýnunda bolgar Grigor Dimitrowy ýeňdi, onuň baýrak gaznasy 5,7 million ýewrodan geçýär. Duşuşyk ýaryşda birinji orny eýelän Jokowiçiň peýdasyna 6:4, 6:3 hasabynda tamamlandy. Duşuşyk 1 sagat 38 minut dowam etdi. Tennis oýunçylary 13-nji gezek duşuşdylar, hasap 12-1 serbiýaly türgeniň peýdasyna boldy. Jokowiç möwsümiň altynjy titulyny we Professional tennisçileriň assosiasiýasynyň (ATP) ýekelikdäki razrýaddaky ýaryşlarynda karýerasynyň 97-nji titulyny aldy. 36 ýaşly Jokowiç 40-njy «Masters» ýaryşynda-da ýeňiji bolup, öz rekordyny täzeledi. Bu görkeziji boýunça ikinji ýerde ispaniýaly Rafael Nadal (36) durýar.