Şu gün Daşkentde weterinariýa pudagyndaky Hökümetara geňeşiň 45-nji mejlisi geçirildi. Bu barada GDA-nyň Ýerine ýetiriji komitetiniň Metbugat gullugy habar berdi. Mejlisde geňeşiň azyk howpsuzlygyny üpjün etmekde we oba hojalyk önümlerinde döwletara söwdasyny ösdürmekde möhüm rol oýnaýandygy bellenildi. Duşuşyga geňeş agzalary we Belarusyň, Gazagystanyň, Gyrgyzystanyň, Russiýa Federasiýasynyň, Täjigistanyň, Özbegistanyň ygtyýarly wekilleri hem-de beýleki halkara guramalaryň wekilleri gatnaşdy. Duşuşygyň gün tertibinde geçirilen pikir alyşmalaryň netijelerine esaslanyp, geňeş agzalary GDA giňişliginde döwletara hyzmatdaşlygy çuňlaşdyrmak boýunça umumy tagallalara goşant goşmak barada ylalaşdylar. Duşuşykda Weterinariýa pudagyndaky Hökümetara geňeşiň indiki duşuşygynyň 2024-nji ýylyň ikinji ýarymynda Türkmenistanda geçiriljekdigi bellenildi. Bu barada «Uzdaily» ýazýar.