Ferrar-niň baş direktory kompaniýanyň awtoulaglary üçin nobatyň birnäçe ýyla uzandygyny habar berdi. Isleg şeýle bir ýokary welin, italýan markasynyň 2025-nji ýylyň bütin dowamyna ýeterlik sargytlary bar. Aslynda, bu täze sargytlara 2026-njy ýyldan bärde gezek ýetmejekdigini aňladýar. 2023-nji ýyl Ferrari üçin şowly ýyl boldy. Üç çärýekde üpjünçilik 524 birlik artyp, 10418 ulaga ýetdi, bu geçen ýylyň ilkinji dokuz aýyndan 5,3% köpelendigini aňladýar. Bu Purosangue-niň heniz kuwwatyny artdyrmak tapgyryndadygyny, krossoweriň önümçiliginiň entek doly güýje ýetmändigini göz öňünde tutsaň, täsin galdyrýan üstünlik. 2023-nji ýylyň üçünji çärýeginde gibridler Ferrari-niň taryhynda ilkinji gezek sap ýangyç ulaglaryndan ýokary boldy. Iýul-sentýabr aýlary aralygynda üpjün edilen 3459 ulagyň 51,3% -inde elektrikleşdirilen transmissiýa bar. Ferrari-niň baş direktory Ferrari-niň ilkinji elektrik awtoulagynyň 2025-nji ýylyň dördünji çärýeginde satuwa çykaryljakdygyny tassyklady. Gyzykly tarapy, döredijiler topary “käbir proseslerde” möhletinden öňdedir. Şol bir wagtda, gibridler we arassa elektrik modelleri üçin ýörite döredilen täze zawod 2024-nji ýylyň iýun aýynda Maranelloda işe başlar. Ferrari 2030-njy ýyla çenli ýyllyk satuwynyň 40 göteriminiň gibrid, 40 göteriminiň elektrikli ulag we galan 20 göteriminiň hem ýangyç bilen işleýän ulag boljakdygyny çaklaýar.