ÝUNESKO-nyň ştab-kwartirasynda guramanyň agza-döwletleriniň ÝUNESKO-nyň işleri baradaky Milli toparlarynyň 10-njy sebitara mejlisi geçirildi. Oňa Türkmenistanyň ÝUNESKO-nyň işleri baradaky Milli toparynyň Jogapkär sekretary Ç.Rustamowa gatnaşdy. Bu barada Türkmenistanyň DIM-niň resmi saýtynda habar berildi. 6-njy noýabrda geçirilen ÝUNESKO-nyň Baş maslahatynyň 42-nji sessiýasynyň çägindäki mejlise guramanyň ýolbaşçylary we wekilleri, ÝUNESKO-nyň işleri baradaky Milli toparlarynyň Jogapkär sekretarlary gatnaşdy.