Samsung kompaniýasynyň täze Galaxy S24 flagmanlarynyň birnäçesini görkezjek Galaxy Unpacked çäresi 2024-nji ýylyň 17-nji ýanwarynda bolar. Bu barada GSMArena Günorta Koreýanyň Biz SBS metbugatynyň maglumatlaryna salgylanyp habar berdi. GSMArena bu maglumatlaryň Ice Universe-iň başga bir insaýderiniň ýakynda beren beýanaty bilen gabat gelýändigini belleýär. Onuň sözlerine görä, bu çäre 18-nji ýanwarda bolar. Žurnalistleriň pikiriçe, bu çeşmeleriň ikisiniň maglumaty hem dogrudyr we sanlarda tapawudyň bolmagy ABŞ-da we Günorta Koreýada wagt tapawudy sebäpli bolup biler. Maglumatlara görä, Galaxy S24 smartfonlary daş görnüşi boýunça öňkülerinden az tapawut eder. Samsung-yň iPhone 15 Pro we Pro Max ýaly täze önümleriniň korpusynyň titandan bolmagy gaty ähtimal. Şol bir wagtyň özünde, internet torunda Galaxy S24 Ultra modeliniň tegelek burçlary bolmazdan, tekiz ekrany aljakdygy barada maglumatlar peýda boldy. Galaxy S24-iň hataryndaky ähli modellerde iň soňky Qualcomm Snapdragon 8 Gen3 prosessorynyň boljagy anyk diýen ýaly. Häzirki wagtda diňe Xiaomi 14 bilen 14 Pro smartfonlary bu çip bilen öwnüp biler.