Las Wegasda dünýäniň iň uly SEMA týuning-senagat sergisi başlamazdan ozal, Nissan markasy sergi üçin öz taslamalaryny hödürledi - bu ýerde ýapon awtoulag öndürijisiniň iki täze önümi: X-Trail ady bilen mälim Rogue krossoweri we Sentra sedany bar. Modeller düýpgöter tapawutly üýtgeşmeleri aldy - krossower ýolsuz ýerlerde sürmeklige taýýarlandy we sedan bolsa ýaryşyň asfalt ýolunda çalt sürmek üçin uýgunlaşdyryldy. Dogry, iki taslamanyň hem köpçülik üçin haçan öndüriljekdigi barada habar berilmedi. Nissan Sentra DET Kanadada geçen Sentra Cup ýaryş awtoulaglaryndan ylham aldy. Sedan 6 tizlikli elde geçiriş bilen bilelikde poslamaýan polat sport gaz çykaryş ulgamy bilen üsti ýetirilen 2,0 litrlik benzin turbo hereketlendirijisini alar. Awtoulag professional GT4 ýaryşçysy Braýan Heýtkotteriň kömegi bilen düzülen Nismo hyrly asgyç bilen enjamlaşdyrylan. Görer göze sedan 18 dýuýmlyk Nismo LM-RS6 tigirli Ýokohama Advan Neova AD09 şinalary bilen tapawutlanýar, salonynda Recaro Sportster CS -iň öňdäki oturgyçlary we Nismo GT dişli çalşygy düwmesi bilen enjamlaşdyrylandyr.