Argentinaly Emiliano Martines “France Football” žurnaly tarapyndan dünýäniň iň gowy derwezebanyna berilýän Lew Ýaşin baýragyna eýe boldy. Argentinanyň milli ýygyndysynyň we Angliýanyň “Aston Willa” klubunyň derwezebany baýragy Parižde geçirilen dabarada aldy. 31 ýaşly Martines 2022-nji ýylyň futbol boýunça dünýä çempiony boldy, Katarda geçirilen dünýä çempionatynda ýaryşyň iň gowy derwezebany diýlip ykrar edildi. Lew Ýaşin adyndaky baýrak 2019-njy ýyldan bäri gowşurylýar. 2022-nji ýylda baýragy Ispaniýanyň “Real” toparynyň we Belgiýanyň milli ýygyndysynyň derwezebany Tibo Kurtua aldy.