Özbegistanyň Karşi şäherinde geçirilen tennis boýunça ATF14& Under halkara ýaryşynda ýaş türkmen türgenleri dört sany altyn medal gazandylar. Şeýlelikde, iň ýokary derejeli medala ýekeleýin görnüşde Imran Ahundow mynasyp boldy. Selim Çagylowdan we Imran Ahundowdan ybarat jübüt tandemde garşydaşlaryndan üstün çykyp, münberiň birinji basgançagyna çykdy. Ýene bir altyn medaly zenanlaryň arasynda geçirilen ýaryşda Ilima Güseýnowa gazandy. Türkmen türgenleri Andreý Dowmatowyň we Ýewgeniý Molçanowyň ýolbaşçylygynda Aziýanyň tennis federasiýasy tarapyndan gurnalan halkara ýaryşda çykyş etdiler. Ýaryşa Merkezi Aziýa ýurtlaryndan ýetmişden gowrak türgen gatnaşdy.