Google-yň esasy kompaniýasy bolan Alphabet-iň paýnamalary girdeji barada hasabat bereninden soň, 9,5% aşaklady. Dow Jones Market Data-yň berýän maglumatlaryna görä, Alphabet Inc.-iň paýnamalarynyň uly satuwy bir gijede onuň bazar bahasynyň 166 milliard dollardan gowrak (157 milliard ýewro) arzanlamagyna sebäp boldy. Marketwatch-yň habaryna görä, bu Nike-yň (157,58 milliard dollar) ýa-da Disneý-iň (147,46 milliard dollar) bazar bahasyndan hem köp. Kompaniýa seljerijileriň garaşanyndanam esasan gowy çykan görkezijileri barada hasabat berenden soň, Alphabet-iň paýnamalary 9,5% pese gaçdy, diňe bulut hasaplaýyş girdejileri garaşylýandan ep-esli azdy. Amal girdejisi, öňünden çaklanylyşy ýaly, 434 million dollar däl-de, 266 million dollar boldy. Alphabet-iň ýitiren birneme puly Microsoft-yň üstünlikleriniň deňeşdirme fonunda has göze ilýär: bäsdeş tehnologiýa ägirtleriniň ikisi hem emeli aňyň üsti bilen pul gazanmaga synanyşýarlar. Paýnamalaryň bahasynyň arzanlamagy «Alphabet-iň» başlangyç işlerine ünsi jemläp, emeli aň hyzmatlarynyň haýal ornaşdyrylmagy täze tehnologiýadan geljek girdejiniň ösüşini yza tesdirmegi maýadarlary ynjalykdan gaçyrýandygyna şaýatlyk edýär.