Türkiýe Respublikasynda resmi sapar bilen bolýan Türkmenistanyň Prezidenti Serdar Berdimuhamedow Ankarada geçirilýän Türkmen-türk işewürlik forumyna gatnaşýar. Bu barada TDH habar berýär. Habarda bellenilişi ýaly, Türkmenistanyň döwlet Baştutany Türkiýäniň Palatalar we biržalar birleşiginiň Merkezi edara binasynda geçirilýän Türkmen-türk işewürlik forumynyň açylyş dabarasynda çykyş edip, şu duşuşykda-da netijeli we önjeýli gepleşikleri dowam etmegiň maksadalaýykdygy barada aýtdy hem-de forumyň dowamynda ikitaraplaýyn hereketlere hil taýdan täze itergi berjek, mundan soňra ediljek bilelikdäki işler boýunça anyk meselelere seretmäge ýardam etjek pikir alyşmalaryň boljakdygyna ynam bildirdi.