Hünärmenler Russiýanyň paýtagtynda iň köp hak tölenýän iş orunlaryny öwrendiler diýip, «MIR 24» ýazýar. Umuman alnanda, Moskwada şu ýylyň güýzünde boş iş orunlary geçen ýylyň degişli döwründäkiden 2,5 esse köpeldi. Paýtagtyň etraplarynda ortaça aýlyk haky 72 müň 649 rubla deň boldy. Iň köp hak tölenýän iş hökmünde gozgalmaýan emläkler boýunça wekiliň işi agzaldy. Bu pudakdaky hünärmenlere isleg üç esse artyp, aýlyk haky 9 göterim köpeldi we 153 müň 994 rubla deň boldy. Ikinji orunda uzak ýola ýük daşaýan agyr ulaglaryň sürüjisi görkezildi, oňa isleg 2,8 esse artdy, aýlyk haklary 18 göterim köpelip, 144 müň 719 rubla ýetdi. Şunda E derejeli sürüjiler 240 müň rubl aýlyk alyp bilýärler. Üçünji orunda ölçeýjiniň hünäri ýerleşdi. Oňa isleg 2,1 esse, aýlyk haky 7 göterim artyp, 144 müň 719 rubla deň boldy. Zähmet bazarynda bu käriň eýelerine aýda 150-300 müň rubl hak teklip edilýän halatlary hem bar diýlip, habarda bellenýär.