Britaniýada pişik güýçli ses bilen myrlamak boýunça Ginnesiň rekordlar kitabyna girdi, onuň sesi häzirki öý haýwanlarynyň arasynda iň güýçli diýlip yglan edildi diýip, kitabyň saýtynda habar berildi. Bu barada «m24.ru» saýty habar berdi. 14 ýaşly Bella atly pişik ýurduň Kembrijşir graflygynyň Hantingtdon diýen ýerinde ýaşaýar, onuň myrlamasynyň güýji 54,59 desibele deň boldy, bu gaýnaýan çäýnegiň sesi bilen deňdir.