Türkmen türgenleri Gyrgyzystanyň paýtagty Bişkekde geçirilen dünýä ýaşlarynyň sambo boýunça çempionatynda dört bürünç medal gazandy. Türkmen samboçylarynyň toparynda bürünç medalyň eýeleri: Babamyrat Baýramow (58 kilograma çenli agram derejesinde) we söweş sambosynda - Kerim Kerimow (58 kilograma çenli agram derejesinde), Dörtguly Goçgulýew (88 kg-a çenli agram derejesinde, Azim Mämmedow (98 kg-a çenli agram derejesinde). Sport we söweş sambosy boýunça ýaryşlar 37 agram derejesinde geçirildi. Ýaryşlara Türkmenistanyň, Ermenistanyň, Azerbaýjanyň, Bolgariýanyň, Boliwiýanyň, Germaniýanyň, Gresiýanyň, Gruziýanyň, Müsüriň, Ysraýylyň, Iordaniýanyň, Ispaniýanyň, Italiýanyň, Gazagystanyň, Kolumbiýanyň, Gyrgyzystanyň, Latwiýanyň, Marokkonyň, Meksikanyň, Moldowanyň, Mongoliýanyň, Niderlandlaryň, Rumyniýanyň, Serbiýanyň, Özbegistanyň toparlary gatnaşdylar.