Halkara Olimpiýa Komitetiniň ýerine ýetiriji komiteti tomusky Olimpiada — 2028 oýunlarynyň tertipnamasyna sportuň 5 sany täze görnüşiniň goşulýandygyny tassyklady. Los-Anželesde (ABŞ) geçjek ýaryşyň tertipnamasyna sportuň baýdak-futbol, kriket, lakross, skwoş hem-de beýsbol görnüşleri hem girizildi. «Hödürlenen sportuň 5 görnüşi dolulygyna amerikan sport medeniýetine laýyk gelýär. Olar dünýäde sportuň şanly amerikan görnüşlerini dabaralandyrar. Bu görnüşleriʼn tomusky Olimpiadanyň tertipnamasyna kabul edilmegi olimpiýa hereketine täze türgenler jemgyýeti, şeýle-de ABŞ-nyň we dünýä ýurtlarynyň janköýerleri bilen özara hyzmatdaşlygy giňeltmäge şert döreder» diýip, Halkara Olimpiýa Komitetiniň ýolbaşçysy Tomas Bah belledi.