Halkara Pul Gaznasy garyplyga garşy göreşmek we ykdysady ösüşe ýardam etmek boýunça özüniň trast gaznasyny (PRGT) maliýeleşdirmek üçin serişde ýygnamak maksatnamasyny 3 milliard dollar artdyryp, 30 milliard dollara ýetirdi. Bu barada TASS habarlar gullugy ýazýar. HPG-niň paýlaýjy-direktory Kristalina Georgiýewanyň beýanatynda gaznanyň maliýeleşdirilmeginiň artdyrylmagy netijesinde göterimsiz salgytlaryň möçberiniň bäş esse artandygy we 56 sany ýurda kömek berlendigi aýdylýar. Ol gaznanyň maliýeleşdirilmegini artdyrmagyň 40 döwletiň gatançlarynyň hasabyna mümkin bolandygyny nygtady, olaryň üçden bir bölegi durnukly ykdysadyýetli ýurtlardyr. Georgiýewa geljek ýylda gaznanyň maliýeleşdirilmeginiň 40 milliard dollara ýetjekdigini aýtdy. Häzirki wagtda HPG özüniň 2009-njy ýylda esaslandyrylan PRGT gaznasynyň ugry boýunça agzalarynyň 30-syna ýardam edýär. «Soňky ýyllarda girdejisi pes bolan ýurtlar köpsanly dünýä sarsgynlaryndan güýçli ejir çekdiler. Olar diňe pandemiýanyň netijelerinden ýitgi çekmän, azyga nyrhlaryň üýtgäp durmagyny, ýokary derejeli bergileri we ýygjamlaşýan tebigy betbagtçylyklary başdan geçirýärler. Bu meselelerde HPG pes girdejili ýurtlaryň ygtybarly hyzmatdaşy bolup durýar» diýip, Georgiýew nygtady.