Ykdysady Hyzmatdaşlyk Guramasynyň başlyklygy Azerbaýjandan Eýrana geçdi. Trendiň sişenbe güni habar bermegine görä, bu karar YHG-a agza ýurtlaryň ministrler geňeşiniň 10-njy oktýabrda Şuşada geçirilen 27-nji mejlisinde kabul edildi. Azerbaýjan Respublikasynyň Ykdysady Hyzmatdaşlyk Guramasyna başlyklyk etmeginiň çäginde 10-njy oktýabrda Şuşa şäherinde YHG-a agza ýurtlaryň ministrler geňeşiniň 27-nji mejlisiniň geçirilendigini bellemelidiris. Duşuşykda agza ýurtlaryň wekilleriniň we synçylaryň, halkara hyzmatdaşlaryň wekilleriniň we YHG -nyň ýöriteleşdirilen gurluşlarynyň wekilleriniň çykyşlary diňlenildi, YHG-nyň çäginde sebit hyzmatdaşlygyny mundan beýläk-de ösdürmek baradaky başlangyçlar we teklipler hem-de mejlisiň gün tertibindäki beýleki meseleler ara alnyp maslahatlaşyldy.