Saglygy goraýyş we derman senagaty işgärleriniň güni mynasybetli Türkmenistanyň Prezidentiniň adyndan paýtagtymyzyň we ýurdumyzyň welaýatlarynyň lukmançylyk edaralaryna «Toyota Camry» awtoulaglarynyň 60-dan gowragy sowgat berildi. 10-njy oktýabrda Söwda-senagat edarasynyň sergiler merkezinde Saglygy goraýyş we derman senagaty ministrligi hem-de Söwda-senagat edarasy tarapyndan bilelikde guralan sergide ýurdumyzyň saglygy goraýyş ulgamynyň ösüş depgini, Türkmenistanyň lukmançylyk ylmynda we senagatynda, ilatyň saglygyny goramakda ýeten sepgitleri, ägirt uly kuwwaty, daşary ýurtly hyzmatdaşlaryň bu ulgamdaky işjeň gatnaşyklara barha artýan gyzyklanmalary öz beýanyny tapdy.