«Inter Maýami» Liganyň adaty çempionatynyň oýnunda «Sinsinnatiden» ýeňilip, MLS-iň pleý-off tapgyryna gatnaşmak mümkinçiligini ýitirdi. «Inter Maýaminiň» stadionynda geçirilen duşuşyk ýer eýeleriniň 0:1 hasabynda ýeňlişi bilen tamamlandy. Oýnuň ýeke-täk goluny 78-nji minutda Alwaro Barreal tora girizdi. «Sinsinnati» 68 utuk bilen MLS-iň sanawynda öňdeligi eýeleýär. «Inter Maýami» 33 utuk bilen 14-nji ýerde barýar. Şeýlelik bilen, adaty möwsümiň tamamlanmagyna iki oýun galanda dokuzynjy ýer bilen aratapawut 8 utuga deň. «Inter Maýaminiň» şikes zerarly dört oýnuna gatnaşyp bilmedik argentinaly hüjümçisi Lionel Messi bu duşuşykda meýdança çykdy. Ol duşuşygy ätiýaçda başlady we 55-nji minutda oýna goşuldy, ýöne netije görkezip bilmedi.