7-nji oktýabrda “Lusail” awtodromynda Kataryň Gran-prisiniň sprint ýaryşy geçirildi. “Red Bulluň” sürüjisi Maks Werstappen heniz ýaryşyň dowamynda öz topardaşy, meksikaly Serhio Peresiň heläkçilige uçramagy sebäpli “Formula-1-iň” üçünji çempion titulyny gazanmagy başardy. Serhio Peres aýlawlaryň birinde “Alpiniň” sürüjisi Esteban Okon we “Haasyň” wekili Niko Hýulkenberg bilen çaknyşdy. Serhio Peres 2023-möwsüminiň çempionatynda ýeňiş gazanmaga matematiki mümkinçiligi saklan ýeke-täk sürüjidi. Çempionatyň tamamlanmagyna alty tapgyr galanda onuň hasabynda 223 utuk bardy, Werstappen bolsa meksikaly sürüjiden 177 utuk öňdedi, çempionatyň ýaryşynda bolsa meksikala ýeňiş getirip biljek 180 utuk galypdy.