Garaşsyz döwletleriň arkalaşygynda 2027-nji ýyl Hukuk sowatlylygy ýyly bolar. Belarus Respublikasynyň Adalat ministrliginiň degişli başlangyjy Arkalaşygyň kanuny we beýleki guramalarynyň ýanyndaky GDA agza ýurtlaryň Hemişelik doly ygtyýarly wekiller geňeşiniň agzalary tarapyndan Ýerine ýetiriji komitetiniň Minsk şäherinde geçen mejlisinde biragyzdan goldanyldy. Täjigistanyň Adalat ministriniň birinji orunbasary Nigina Alizodanyň sözlerine görä, Arkalaşygyň agza ýurtlarynyň adalat pudagyndaky hyzmatdaşlygy aýratyn ähmiýete eýe bolýar. Şunuň bilen baglylykda täze, has ýokary derejä çykmak zerur. Şeýlelik bilen, bu başlangyjyň durmuşa geçirilmegi raýatlar bilen özara gatnaşyklar boýunça çäreleri giňelder, hukuk medeniýetiniň derejesini ýokarlandyrar, şeýle-de, kanuna hormat goýmaklyga esaslanýan durnukly jemgyýeti döreder. Şu maksat bilen ýylyň dowamynda çäreler - konferensiýalar, tegelek stollar, hukuk bilimleri boýunça seminarlar geçiriler. Arkalaşygyň raýatlary notariuslardan we aklawçylardan mugt maslahat almaga mümkinçilik alarlar. Mundan başga-da, Geňeş tarapyndan tassyklanan 2024-nji ýyl üçin iş meýilnamasy GDA agza ýurtlaryň Adalat ministrlikleriniň arasynda ilata hukuk hyzmatlaryny bermek boýunça maglumat alyşmak üçin bitewi döwletara elektron ulgamynyň döredilmegini ileri tutýar.