Russiýa Federasiýasynyň Rostow sebitinden 22 tonna möçberde doňdurylan külke balyklary Türkmenistana iberildi. Bu barada «Rosselhoznadzoryň» sebit bölüminiň metbugat gullugyna salgylanyp, «DON24.RU» habar berdi. «Döwlet weterinariýa gözegçiligi tarapyndan gözegçilik edilýän önümleri eksport edýän kärhanalar import edýän ýurduň talaplaryny berjaý etmek üçin weterinariýa we sanitariýa synagyndan geçen rus kärhanalarynyň sanawyna girýär» diýlip, habarda aýdylýar. Çeşmäniň bellemegine görä, önümler howpsuz diýlip ykrar edildi we resminamalaşdyrylanda hiç hili düzgün bozulmady. Ozal RF-iň Kirow sebitiniň kärhanasynyň süýt önümlerini Türkmenistana eksport etmäge ygtyýar alandygyny habar beripdik.