Boeing kompaniýasy iň köp satylýan 737 dar fýuzelýažly uçarynyň önümçiligini 2025-nji ýylyň iýul aýyna çenli 57 birlik möçberinde rekord derejä ýetirmegi meýilleşdirýär. Report agentliginiň Reuters-e salgylanyp habar berşi ýaly, agentlik munuň sargytlaryň köpelmegi we 737 MAX çökgünliginden soň kompaniýanyň gaýtadan dikelmegi bilen baglanyşyklydygyny belleýär. Boeing bu meýilnamany umumy üpjünçilik tertipnamasynyň ahyrky görnüşinde agzady. Reuters agentliginiň çeşmesi bu tertipnamanyň sentýabr aýynyň ortalarynda awiaöndüriji tarapyndan tassyklanandygyny habar berýär. Kompaniýa bu maglumata teswir bermekden saklandy. Şeýle-de bolsa, iýun aýynda Boeing Commercial Airplanes-iň ýolbaşçysy Sten Diliň Bloomberg TV beren teswirlerini tassyklaýan tertipnama 2023-nji ýylyň dekabr aýyna çenli 737-niň önümçiliginiň aýda 42 uçara ýetmegini göz öňünde tutýar. Şeýlelikde, 737, şol sanda 737 MAX hem-de harby awiasiýada ulanylýan has köne modelleriň aýlyk önümçiligi 2024-nji ýylyň iýun aýynda 47,2, dekabr aýynda 52,5 we 2025-nji ýylyň iýul aýynda 57,7 birlige çenli artar.