“Mançester Ýunaýtede” ýolbaşçylyk edýän şotlandiýaly hünärmen Aleks Fergýuson “FourFourTwo” neşiri tarapyndan futbol taryhynda iň gowy tälimçi diýlip ykrar edildi. Bu barada neşiriň saýtynda habar berilýär diýip, rsport.ria.ru belleýär. Sanawda ikinji orny niderlandiýaly Rinus Mihels eýeledi, üçünji orunda onuň watandaşy Ýohan Kroýf ýerleşdi. Sanawyň ilkinji onlugy şeýle görnüşde: Aleks Fergýuson; Rinus Mihels; Ýohan Kroýf; Bill Şenkli; Hosep Gwardiola; Arrigo Sakki; Mett Basbi; Elenio Errera; Ernst Happel; Waleriý Lobanowskiý.