Microsoft iň ýönekeý, mugt grafika redaktory bolan Paint-i kem-kemden döredijilik üçin peýdaly gurala öwürmäge ymtylýar. Kompaniýa Photoshop-yň esasy aýratynlyklaryndan birini Paint-de amal etdi: gatlaklar, ýöne ol diňe munuň bilen çäklenmedi. Täzelenen Microsoft Paint Canary ýa-da Dev kanallarynda 11.2308.18.0 belgisi boýunça Windows Insider synag gurluşlarynda elýeterlidir. Ondaky esasy täzelikler gatlaklary we durulygy goldamakdyr. Paint-iň täze wersiýasynda ulanyjylar gatlaklar bilen işlemek üçin zerur bolan esasy funksiýalary ulanyp bilerler - täze gatlak goşmak, ondan-oňa geçirmek we tertibini üýtgetmek, birleşdirmek, köpeltmek we ş.m. Bu täzelenmäniň ýene bir möhüm bölegi, dury fonda PNG-niň faýllaryny açmak we ýatda saklamak ukybyny goşmak bilen durulygy goldamakdyr. Ozal Paint fon aýyrmak funksiýasyny synagdan geçirip başlady, indi durulyk üçin täze goşulan goldaw bilen doly doldurylýar.