Şu gün Aşgabatda Hazar deňziniň meseleleri boýunça ýokary derejeli Iş toparynyň altynjy mejlisi açylýar diýip, «Report.az» Azerbaýjanyň Türkmenistandaky ilçihanasyna salgylanyp habar berýär. Habarda bellenilişi ýaly, ýokary derejeli Iş toparynyň nobatdaky mejlisi 11—13-nji sentýabr aralygynda dowam eder. Ara alyp maslahatlaşmalara Türkmenistanyň, Azerbaýjanyň, Eýranyň, Gazagystanyň we Russiýanyň wekiliýetleri gatnaşarlar. Ozal Hazar deňziniň meseleleri boýunça pudagara toparyň nobatdaky mejlisiniň geçirilendigini habar beripdik.