Saud Arabystany nebit önümçiligini günde meýletin 1 million barrel (b/g) kemeltmegi 2023-nji ýylyň ahyryna çenli uzaltmak kararyna geldi. Bu barada Saud Arabystanynyň metbugat gullugy Patyşalygyň Energetika ministrliginiň resmi çeşmesine salgylanyp habar berdi. Ondan öň meýletin azaltmak ilki iýul üçin göz öňünde tutulypdy, soň bolsa awgust we sentýabr aýlaryna çenli uzaldyldy. Şol bir wagtyň özünde, habarda bellenişi ýaly, önümçiligiň mundan beýläk-de azaldylmagyna-da, artdyrylmagyna-da göz öňünde tutmak üçin önümçiligi azaltmak kararyna her aý serediler. Öňki aýlarda bolşy ýaly, oktýabr, noýabr we dekabr aýlarynda, önümçiligiň kemeldilýändigini göz öňünde tutmak bilen, Saud Arabystanynyň nebit önümçiliginiň mukdary 9 million kub metr bolar. Hasabatda 1 million b/g meýletin azalmagyň önümçiligi 500 000 b/g azaltmak baradaky ozalky karara goşmaça bolýar. Şeýlelik bilen, sentýabr aýynda patyşalyk tarapyndan kemeldilen önümçiligiň umumy mukdary 1,5 million b/g bolar.