Dünýäde iň uly kinoteatrlar ulgamynyň operatory AMC Entertainment 103 ýyllyk taryhynyň dowamynda petek satuwyndan iň ýokary hepdelik girdejini gazandy. Bu barada kompaniýanyň metbugat relizine salgylanyp, Interfaks-Kazahstan habar berýär. Muny kapital.kz ýetirýär. Rekord AMC-niň hem Amerikadaky, hem dünýädäki kinoteatrlarynda goýuldy. Görkezijileriň derejesi mälim edilmeýär. Girdeji ýygymlarynyň esasy draýweri “Barbi” we “Oppengeýmer” filmleri boldy diýip, kompaniýa belleýär. 27-30-njy iýul uikendi girdeji ýygymy bir ýyl ozalky görkezijiden iki esseden hem ýokary boldy. Şol bir wagtyň özünde ABŞ-daky 65 kinoteatr, şol sanda Uly Los-Anjelesiň bazaryndaky 13 kinoteatr petek satuwyndan gazanylan girdeji boýunça hepdelik rekordlaryny täzelediler. Öz gezeginde, 20-23-nji iýul uikendi AMC üçin koronawirus pandemiýasy sebäpli 2020-nji ýylda ýapylan kinoteatrlary işläp başlanyndan bäri iň gowy uikend boldy.