Amerikanyň «Inter Maýami» futbol klubunyň argentinaly hüjümçisi Lionel Messi täze klub üçin ilkinji oýnunda gol geçirdi. Messi Leagues Cup ýaryşynyň toparlaýyn tapgyrynyň duşuşygynda «Krus Asulyň» derwezesine jerime urgusyndan 90+4-nji minutda gol geçirdi. Bu gol «Inter Maýami» klubuna ýeňiş getirdi. Hasap 2:1 tamamlandy. Belläp geçsek, Messi şu tomusda «PSŽ-den» amerikan klubuna geçdi.