Samsung akylly sagatlary diňe bir endamyň däl, eýsem dürli obýektleriň temperaturasyny ölçemegi öwrenjege meňzeýär. Kompaniýa bu günki gün sagatlary üçin birnäçe täze programma, şol sanda Thermo Check programma üpjünçiligini hödürledi. Termo Check sagat eýelerine obýektleriň temperaturasyny ölçemäge mümkinçilik berer. Mysal üçin, Samsung ulanyjylaryň iýmitiň ýa-da suwuň temperaturasyny ölçäp biljekdiklerini aýdýar. Bu programma ilki bilen geljekki Galaxy Watch6 akylly sagatlary üçin elýeterli bolar we soňra bolsa Watch5 -de hem peýda bolar. Şol bir wagtyň özünde, dürli modeller üçin programma üpjünçiliginiň mümkinçiliklerinde tapawutlaryň boljagy-bolmajagy belli däl. Sagadyň, aýdaly, suwuň ýa-da başga bir zadyň temperaturasyny nädip ölçäp biljekdigi düşnüksiz. Watch5-de deriniň temperaturasyny ölçeýän datçik bar. Belki-de, şonuň üsti bilen amala aşyrylar, ýöne bu sagadyň elden aýrylmalydygyny we, iň bolmanda, ulanyjynyň temperaturasyny ölçemek isleýän obýektine has ýakynlaşmalydygyny (ýa-da diremelidigini) aňladýar.