Jiddada saparda bolan Türkiýäniň Prezidenti Rejep Taýyp Ärdogan Türkiýäniň ilkinji ýerli Togg elektromobilini Saud Arabystanynyň mirasdüşer şazadasy Muhammet bin Salmana gowşurdy. Trend agentliginiň habar bermegine görä, Ärdogan duşenbe güni Saud Arabystanyna sapar bilen bardy. Ol mirasdüşer şazada bilen duşuşyk geçirdi we iki ýurduň arasynda resminamalara gol çekmäge gatnaşdy. Türkiýäniň prezidenti Katara we Birleşen Arap Emirliklerine hem sapar bilen barar. Ýatlatsak, Ärdogan ýakynda Türkmenistanyň Prezidenti Serdar Berdimuhamedowa we Halk Maslahatynyň Başlygy Gurbanguly Berdimuhamedowa hem Togg elektromobilini sowgat berdi.