Threads programmasyny döreden Meta korporasiýasy ulanyjylaryň bu programmada öz profilini diňe Instagram akkaunty bilen bilelikde pozup biljekdigini habar berdi. Muny Trend ýetirýär. Maglumatlara görä, ulanyjylar Threads-da islendik wagt öz profiliniň işini bes edip biler, ýöne ony doly ýok etmek üçin Instagram-daky akkaunty hem pozmaly bolýar. Mundan başga-da, tiz wagtdan Threads programmasy beýleki serwisler bilen birleşdiriler, bu hem ulanyjylara mazmun görmäge, olar bilen paýlaşmaga, olar bilen aragatnaşyk saklamaga, ulanyjylara abuna ýazylmaga we beýleki serwislerden abunaçylary çekmäge mümkinçilik berer.