27-nji iýunda Türkmenistanyň Daşary işler ministri Raşid Meredow Täjigistan Respublikasynyň Türkmenistandaky täze bellenen Adatdan daşary we Doly ygtyýarly ilçisi Wafo Niýatbekzoda bilen duşuşdy we onuň dowamynda ynanç hatlarynyň nusgalary kabul edildi. Türkmenistanyň daşary syýasat edarasynyň saýtynda habar berlişi ýaly, duşuşygyň barşynda diplomatlar dürli ugurlarda ikitaraplaýyn hyzmatdaşlygyň häzirki ýagdaýy we geljekki mümkinçilikleri barada pikir alyşdylar. Ministr türkmen tarapynyň ilçä dostlukly türkmen-täjik gatnaşyklaryny pugtalandyrmaga gönükdirilen diplomatik işiniň durmuşa geçirilmegine goldaw we ýardam bermäge taýýardygyny belledi. Taraplar halkara guramalarynyň, şol sanda sebit gurluşlarynyň çäginde işjeň hereketlerini beýan etdiler. Soňky ýyllarda ýurtlaryň arasyndaky söwda we ykdysady hyzmatdaşlygyň yzygiderli ösüşi kanagatlanma bilen bellenildi. Medeni-ynsanperwer ugurda hem uly mümkinçilikleriň bardygy aýdyldy.

Täzelikler, Ata Watan tarapyndan 1 year ago
Teswir ýazmak üçin Içeri gir