Özbegistan Hytaýyň Sýamen şäherinden Türkmenistanyň üsti bilen Daşkente konteýner otly gatnawyny ýola goýdy. Ilkinji otly düzümine dürli görnüşli hojalyk tehnikalary — holodilnikler, kir maşynlary we gaz plitalary ýüklenildi. Otly düzümi şu gün, 25-nji iýunda Özbegistanyň paýtagtyna ýeter. Konteýner düzümi ýolda umumylykda 14 gün sarp etdi. Otly düzümi 39 sany kyrk futluk konteýnerden ybarat. Hytaýyň Sýamen port şäherinden bu ýükler deňiz arkaly Eýranyň Bender-Abbas portuna getirilýär. Ol ýerden konteýnerler otla ýüklenilip, Eýranyň we Türkmenistanyň üsti bilen Özbegistana iberilýär.