Hytaýyň soňky imperatory Pu I-e degişli Patek Philippe şweýsar markasynyň Reference 96 Quantieme Lune goşar sagady Gonkongdaky Phillips auksion öýi tarapyndan 6,2 million dollara satyldy. Bu barada CNN habar berýär. Siferblaty arap sanly 31 mm-lik platina sagat al reňkli altyn sagatbagy we Aý fazasyny kesgitleýiş funksiýasy bilen tapawutlanýar. Sagat mehanizminiň käbir bölekleri 1929-njy ýyla degişli, ýöne Patek Philippe modelini 1937-nji ýyla çenli satmandyr. Bu sagadyň 86 ýyllyk taryhy seýrek modele artykmaçlyk berýär - dünýäde şeýle modeliň bary-ýogy sekiz sanysy galypdyr. Pu Iniň bu sagady nädip satyn alandygy belli bolmasa-da, Pariždäki kaşaň sagat butikinde olaryň ilkinji gezek satylandygy barada ýazgylar bar. Phillips auksion öýüniň metbugat beýanatyna görä, sagadyň taryhyny yzarlamak üçin onuň hünärmenlerine üç ýyl gerek bolupdyr.

Täzelikler, Ata Watan tarapyndan 11 months ago
Teswir ýazmak üçin Içeri gir