Russiýaly tennisçi Daniil Medwedew Rimde Masters 1000 kategoriýasynda ATP-niň ýaryşynyň ýeňijisi boldy. Finalda ol daniýaly Holger Runeden üstün çykdy — 7:5, 7:5. ATP-niň reýtinginde Medwedew üçünji orny, Rune — ýedinji orny eýeleýär. 27 ýaşly russiýaly türgeniň hasabynda indi Masters tapgyrynyň ýaryşlarynda alty ýeňiş bar. Galyberse-de, Italiýada ol ilkinji gezek grunt toprakda geçen ýaryşda ýeňiji bolmagy başardy. Medwedewiň hasabynda ATP-de jemi 20 titul bar. Duşenbe güni, 22-nji maýda ATP-niň täzelenjek reýtinginde Medwedew serbiýaly Nowak Jokowiçi geçip, ikinji orny eýelär.