Günorta Koreýanyň öndürijisi 2024-nji ýylda çykjak Hyundai Sonata-ny tanyşdyrdy. Camry bilen bäsleşjek Hyundai Sonata 2024 ilkinji gezek doly priwody hödürlär. 2024-nji ýylda öndüriljek Hyundai Sonata-da tutuş inine LED zolagy ulanyp, Kona-nyň ikinji neslinden ylham alar. Esasy faralar howa girelgeleriniň ýokarsynda gizlenen we radiatoryň has giň gözenegine birleşdirilen. 2024-nji ýylyň modelinde tizlik geçirijiniň täze kontrolleri hem ulanylýar. Hyundai entek täzelenen Sonata-nyň aýratynlyklaryny yglan etmedi. Şeýle-de bolsa, CarScoops-yň çeşmeleri 2,5 litrlik turbo görnüşli dört silindrli hereketlendirijiniň standart topluma girjekdigini we 1,6 litrlik turbo hereketlendirijisiniň ornuny tutjakdygyny aýdýarlar. Täze hereketlendiriji 290 at güýjüni we 421 Nm aýlaw pursadyny üpjün eder. 2024-nji ýylyň Hyundai Sonata-sy 30-njy martdan 9-njy aprel aralygynda dowam etjek Seul awtoulag sergisinde doly tanyşdyrylar we 6-njy aprelde Nýu-Ýorkda halkara awtoulag sergisinde görkeziler.