Ford konserni iň täze elektrik Explorer EV modelini tanatmagyň adaty bolmadyk usulyny oýlap tapdy: Wsedorožnik dünýä ýüzüne syýahata iberiler. Ol syýahatçy we Ginnesiň rekordlar kitabynyň rekordyny saklaýjy Leksi Alford tarapyndan synag ediler: zenan 21 ýaşynda dünýäniň ähli ýurduna baryp gören iň ýaş adam boldy. Ekspedisiýa şu ýylyň aýagynda ýola düşer diýip meýilleşdirilýär. Täze modeli mahabatlandyrmakdan başga-da, Ford öz hereketi bilen bir asyr mundan ozal bolup geçen başga bir meňzeş syýahaty ýada salmagy göz öňünde tutýar. 1922-1927-nji ýyllar aralygynda Kanadanyň ýaşaýjysy Aloha Wanderwell, Russiýany hem öz içine almak bilen, 80 ýurda (käbir çeşmelere görä - 43) baryp gördi we bu ýoly Ford Model T-de geçdi. Ford şu ýylky ekspedisiýanyň ugruny entek aýan etmedi, ýöne syýahatçy zenana dünýäniň iň gözel ýerlerine baryp görmek we dürli medeniýetler bilen ýüzbe-ýüz bolmak wada berilýär. Ford Explorer EV täzelikde tanyşdyryldy.