PAÝHAS ÇEŞMESI KITABYNDAN

Dosta bereniňi sorama, goňşa bereniňi dileme.

***

Haýyr dile goňşyňa, rysgal gelsin aşyňa.

***

Toý görki - bagşy, öý görki - goňşy.

***

Uzakdaky dogandan, ýakyndaky goňşy ýagşy.

***

Ýan goňşym, jan goňşym.

***

Bar, okaram, gel, okaram, barmasaň - gelmeseň, orta ýolda döwül, okaram.

***

Goňşyň hyklasa, sen çakla.

Goňşyma dilegim düşdi, berse-de goňşym, bermese-de goňşym.

***

Atyň ýaman bolsa, satyp gutularsyň, goňşyň ýaman bolsa, göçüp gutularsyň, aýalyň ýaman bolsa, niçik gutularsyň.

***

Goňşyň gowy bolsa, kel gyzyň äre gider, goňşyň ýaman bolsa, gül gyzyň göre gider.

***

Aýrylmaz goňşyňa unutgysyz söz aýtma.

***

Goňşy - goňşyň bazary, ýamany - il bizary.

***

Goňşy aşy dişe däri.

***

Goňşy haky - Taňry haky.

***

Goňşyňy goňşudan sora, ýamany ýagşydan.

***

Goňşy towugy göze gaz bolup görüner.

***

Goňşy töwüri rysgalyňy artdyrar.

***

Goňşy iti goňşa üýrmez.

***

Goňşy goňşudan giç ýatyp, ir turmany öwrener.

***

Goňşyň ýykylsa, söýget ber.