Ýürekdäki söýgim üzüldi senden,
Indi söýseňem giç, söýmeseňem hiç.
Aşyklygyň derdi güýjäp gün-günden,
Indi köýseňde giç, köýmeseňde hiç.


Baky bagtym diýdim ilkinji söýgim,
Ýalňyşymdy tejribesiz ýaş duýgy,
Sen meniň senemim, sen meniň leýlim,
Indi diýseňem giç, diýmeseňem hiç.


Arzuw-umytlaryň köýdürip baryn,
Ýüregime saldyň aýralyk dagyn,
Çekip ilkinji söýgiň ajy azabyn,
Indi ýansaňda giç, ýanmasaňda hiç.


Gaýgymam sen, sendiň meniň şatlygym,
Derdime düşünmez ýakyn ýatlarym,
Meniň üçin ýazma söýgi hatlaryn,
Indi ýazsaňda giç, ýazmasaňam hiç.


Seniň üçin meniň çeken görgülem,
Deňzini gulaçlap gussa-gaýgylaň,
Saňa peşdeş eden beýik duýgulam,
Indi duýsaňda giç, duýmasaňam hiç...