GEL INDI

Söýgi gülüm gunça açdy,
Müşki anbar ysyn saçdy,
Mende sabyr-takat gaçdy,
Gel indi.

Ýatlardan bolmaz ýaran,
Uzaklardan durma garap,
Sensiñ bu göwnüme aram,
Bil indi.

Ýoluñ gözlar dilgir gözlem,
Sen dözseñem menä dözmen,
Diýip bilmän dyman sözleñ,
Diý indi.

Saçlarymy şemal örmesin,
Tarlaryny darap çözlesem,
Aýap ýa:t söýgi, özgeden,
Söý indi.

***

Goşa tudyñ saýasynda

Geçip barýar ýyllar durman,
Goýdy ilki söýgim arman,
Käte-käte ýada salýan,
Goşa tudyñ saýasynda.

Nirelerde eglendiñ sen,
Indi gözlap gelmezmiñ sen,
Sorasalar kemsindim men,
Goşa tudyñ saýasynda.

Ýaşlyk bize şaýat ahyr,
Men Zöhredim sendiñ Tahyr,
Seniñ söýgiñ etdi şahyr,
Goşa tudyñ saýasynda.

Şemal ördi saçym çözläp,
Ýaşap ýörin syrym gizläp,
Geldim ýene seni gözläp,
Goşa tudyñ saýasynda.


Şagül Dowadowa.